RespublikaTV

Qarabağ Azərbaycandır!

“Rabitəbank”dan ordumuza növbəti dəstək

  • Noyabr 6, 2020 12:26
  • Torpaqlarımızın işğaldan azad edilməsi üçün Ermənistan silahlı birləşmələrinə qarşı rəşadətlə döyüşən ordumuza dəstək məqsədilə “Rabitəbank” ASC daha bir təşəbbüskar addım atıb.

    Bununla əlaqədar gündəlik tələbatları özündə birləşdirən individual əsgər payları tədarük edilib. Əsgərlərin maddi texniki təminatının gücləndirilməsi məqsədilə qutularda ilkin tibbi yardım üçün ləvazimatlar, isti üst geyim və alt geyimi, həmçinin gigiyenik ehtiyaclar toplanılıb. Hazırlanmış əsgər payları Bank tərəfindən ön cəbhədə vuruşan hərbçilərə çatdırılıb.

    Xatırladaq ki, “Rabitəbank” Qarabağ və ətraf bölgələrdə baş verən hadisələrdən ilk günlərdən kənarda qalmayaraq Silahlı Qüvvələrimizə dəstəyini göstərib. Bundan öncə Bank Silahlı Qüvvələrə Yardım Fonduna 100.000 AZN köçürmə edib. Müştərilərin də fonda məsafədən ianələrini asanlaşdırmaq üçün Rabitəbank Mobil tətbiqində onlayn dəstək funksiyası istifadəyə verilib. Həmçinin Bank, ABA-nın tövsiyəsinə dəstək olaraq cəbhədə şəhid olmuş və müharibədən zərər çəkmiş mülki müştərilərinin də kredit borcunu silmək və kredit tarixçəsini müsbət tutmaq kimi öhdəliyi icra edəcək. Ötən gün “Rabitəbank” həm də haqqında bütün sosial şəbəkələrdə qürurla danışılan topçu əsgər Vüsal Şahkərimovun təhsil xərclərini qarşılacağını açıqlayıb. 

    “Rabitəbank” ASC, Azərbaycanın 16 regionu və Bakı şəhərində 27 xidmət məntəqəsi və 71 ATM-i, “Rabitabank Mobile” tətbiqi, İnternet Bankçılıq platforması və “RabitaBot” çatbotu, 133 nömrəli Çağrı Mərkəzi ilə müştərilərin xidmətindədir.

    Bir cavab yazın

    Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir