Paşinyan hökumətin 80 faizini dəyişdirmək niyyətindədir – Erməni mətbuatı

  • Noyabr 18, 2020 10:37
  • Ermənistanın Baş naziri Nikol Paşinyan hökumət üzvlərinin demək olar ki, 80 faizini istefaya göndərmək niyyətindədir.

    Respublikatv.Com xəbər verir ki, bu barədə Ermənistanın “Joxovurd” qəzeti öz mənbələrinə istinadən yazıb.Nəşr bildirib ki, İkinci Qarabağ müharibəsindən sonra Paşinyan Nazirlər Kabinetinin tamamilə yenidən qurulması baxımından çox qətiyyətlidir. Hakim partiya son günlərdə vəzifələrini tərk edənlərin yerinə yeni kadrlar axtarır.

    Qəzet, xüsusilə əmək və sosial işlər naziri Zarui Batoyan, təhsil, elm, mədəniyyət və idman naziri Arayik Harutyunyan, səhiyyə naziri Arsen Torosyan, iqtisadiyyat naziri Tigran Xaçatryan, müdafiə naziri David Tonoyan və müavinlərinin vəzifələrindən azad ediləcəyini bildirib.Ölkə rəhbərliyi hesab edir ki, Nazirlər Kabineti üzvləri Qarabağ müharibəsi dövründə fəaliyyətsiz idilər və buna görə də istefa verməlidirlər.

    Qeyd edək ki, Ermənistanın xarici işlər naziri Zohrab Mnatsakanyan, onun müavini Şavarş Köçəryan və fövqəladə hallar naziri Feliks Tsolakyan artıq vəzifələrindən azad edilib.

    Bir cavab yazın

    Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir