Qonşu ölkələrdə koronavirusla bağlı son vəziyyət

  • Oktyabr 31, 2020 15:34
  • Gürcüstanda son 24 saat ərzində daha 1 673 nəfərdə COVID-19 aşkarlanması ilə ölkədə koronavirusa yoluxma halı 38 min 936-ya çatıb.

    Respublikatv.com “Sputnik Gürcüstan”a istinadən xəbər verir ki, ölkədə sutka ərzində daha 22 nəfərin xəstəlikdən vəfat etməsi ilə ölüm hallarının sayı 307-yə çatıb. Ümumilikdə sağalanların sayı isə 22 min 691 nəfərdir.Qeyd edək ki, ölkədəki epidemioloji vəziyyətlə əlaqədar Gürcüstanın İqtisadiyyat və Davamlı İnkişaf Nazirliyinin Mülki Aviasiya Agentliyi müntəzəm uçuşlara qadağanı 30 sentyabrdan 31 oktyabradək uzatmağa qərar verib. Rusiyada isə son bir gündə 18 min 140 yeni yoluxma faktı qeydə alınıb.Rusiyanın koronavirusla mübarizə üzrə əməliyyat qərərgahının məlumatında qeyd edilir ki, 24 saat ərzində 334 pasiyent ölüb, 14 min 854 nəfər isə sağalaraq xəstəxanadan çıxıb. Ölkə üzrə ümumilikdə 1 milyon 618 min 116 nəfər insan koronavirusa yoluxub.İranda son sutka ərzində COVİD-19-dan ölənlərin sayı daha 386 nəfər artaraq 34 min 864-ə çatıb.Ölkədə sutka ərzində daha 7 min 820 nəfərdə isə yeni yoluxma faktı aşkarlanıb. Bununla İranda ümumi yoluxanların sayı 612 min 772 nəfərə yüksəlib. Virusa yoluxan xəstələrdən 5 185-nin vəziyyəti ağırdır. İndiyədək 481 min 930 nəfər virusa qalib gəlib.

    Bir cavab yazın

    Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir